Hórreo da Igrexa

Hórreo da Igrexa - Dodro - San Xián de Laíño

Imaxe: Beatriz Pereiras

Situado nunha finca privada, na parte traseira da vivenda á que pertence.

A cimentación é unha repisa alta de cachotaría de granito duns 50 centímetros de altura. Os soportes son catro cepas de pedra, coa pedra superior máis ancha e cos ángulos redondeados a xeito de moldura. O gabinete do oeste está pechado polo norte con ladrillo e polo sur con restos dunha porta de madeira. O gabinete do leste úsase para gardar leña. O tornarratos é unha peza corrida ó longo do corpo do hórreo. Ten tres claros, non conservando o peche de madeira no lateral leste, só unhas táboas novas no claro sur, mentres que no lateral oeste si conserva os balaústres de madeira, en moi mal estado e sen cintas. O claro do leste emprégase para gardar leña. Non ten linteis. Columnas e cornixa de pedra, esta última moldurada. O penal dianteiro é de pedra, non conservando a folla de madeira da porta, co van da porta rematado en arco de medio punto; e o penal traseiro tamén é de pedra con catro fendas de ventilación horizontais. Ten sobrepenas nos dous pinches, ambos de pedra. No pinche traseiro presenta un motivo decorativo, un círculo en relevo coa parte interior convexa e cun pequeno orificio de aireación no interior (aire do pinche). Cubrición de uralita. Remates: cruz latina baixa cos extremos ensanchados cuadrangulares, de sección cilíndrica; e na parte traseira un talo cunha grande bóla e sobre base cuadrangular. Orientado ao NE.

No 2010, di a propietaria que é moi antigo, de máis de cen anos, que coida que a súa nai (de máis de noventa anos) tampouco lle acordaba de facer o hórreo. Pola factura parece, certamente, de certa antigüidade.

  • INFORMACIÓN
  • Código: DO-HO176
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: A Igrexa
  • Acceso a pé: Bo
  • Galería de imaxes: Acceder
  • Conservación:

    Mala, apenas conserva os balaústres de madeira, e os que mantén están en moi malas condicións. A cubrición orixinal foi substituída por uralita.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 76)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Lestrobe

Hórreo de Manselle

Hórreo de Rialiño

Hórreo de Castro