Hórreo da Devesa

Hórreo da Devesa - Dodro - San Xoán de Laíño

Imaxe: Beatriz Pereiras

Na parte alta da aldea.

A cimentación é unha repisa alta de cachotaría de granito, duns 40 centímetros de alto. Os soportes son catro cepas de pedra encintadas con cemento. Os gabinetes están pechados con ladrillo e cemento, sendo usados como galiñeiros. Tornarratos corrido ao longo de todo o corpo do hórreo. Ten tres claros, pechados con ladrillos, con unha porta de madeira no lateral oeste. Non ten linteis. Columnas e cornixa de pedra, esta última moldurada. O penal da fronte é de pedra con porta de madeira; e o penal traseiro é de pedra se ventilación. Sobrepenas nos dous pinches, ambos de pedra. Cubrición de tella plana. Remates: cruz céltica (en Bustelo chámana cruz funeral) florenzada con botón central e ángulos en chafrán, sobre base en escocia; non conserva o pináculo, só a base cuadrangular. Orientado ao NE.

Segundo a ficha do Inventario de Patrimonio, dataría de principios do século XX, probablemente de antes de 1920. Sen embargo, o xenro da actual propietaria díxonos que este hórreo ten máis de cen anos. A cruz que ten actualmente non é a orixinal.

  • INFORMACIÓN
  • Código: DO-HO213
  • Outras denominacións: Hórreo de Enrique
  • Tipoloxía: Hórreos
  • Cronoloxía: 1920
  • Concello: Dodro
  • Parroquia: San Xoán de Laíño
  • Lugar: A Devesa
  • Acceso a pé: Bo
  • Galería de imaxes: Acceder
  • Conservación:

    Mala, coa substitución da madeira por ladrillo, introducindo tamén este material nos gabinetes e o cemento no encintado das cepas. 

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 183)

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Eiró

Hórreo de Vigo

Hórreo de Eiró

Hórreo de Teaio