Cruz do Condado

Cruz do Condado - Catoira - San Mamede de Abalo

Imaxe: Cristina Conde Escaloni

A cruz central ten por alicerce dous chanzos irregulares. Base grande, pouco alta e de bordos rectos. Cruz de sección octogonal, monolítica, cos brazos e testeiro acabados en cadrados, presentando un reducido testeiro. Adobíase pola parte dianteira dunha coroa na intersección dos brazos e dun INRI no extremo superior do testeiro. Os extremos dos brazos amosan dous círculos concéntricos e seis raios emparellados saíndo deles. A cruz ten unha altura de 2,20 metros de alto, sendo a súa envergadura de só 67 centímetros. Toda ela é moi finiña e lanzal, xa que acada soamente de perímetro 57 centímetros.

A unha distancia duns 8 metros atópase unha pequena base cúbica que mantén aínda o burato no que se fincaba unha das cruces dos ladróns, por iso estamos a falar dun calvario que comezaría na Igrexa de San Mamede de Abalo. Seguramente servía de soporte a unha cruz baixa, dado seu pequeno tamaño.

  • INFORMACIÓN
  • Código: CA-ER005
  • Outras denominacións:
  • Tipoloxía: Elementos relixiosos
  • Cronoloxía: -
  • Concello: Catoira
  • Parroquia: San Mamede de Abalo
  • Lugar: O Condado
  • Acceso a pé: Bo
  • Galería de imaxes: Acceder
  • Conservación:

    Mal conservado. Perdéronse as cruces dos ladróns, quedando en pé soamente a central: a de Xesús Nazareno.

  • Protección:

    Plan Xeral de Ordenación Municipal do Concello de Catoira (E_012) - Aprobación inicial de 2012

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Plan Xeral de Ordenación Municipal do Concello de Catoira - Aprobación inicial de 2012

    Fernández de la Cigoña, E. Cruces, cruceiros e petos do concello de Catoira, (Historia dun concello). Asociación galega para a cultura e a ecoloxía-Editorial AGCE, 2008

    Cristina Conde Escaloni

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Cruceiro de Portocanles

Cruceiro do Centro Social de Abalo

Cruceiro de Codeso

Cruceiro de Viladesuso