Busca

Na ribeira norte do río Valga, trátase dun muíño do tipo canle, de planta rectangular construído en cachotaría granítica unida con cemento. As paredes foron desmanteladas de maneira moi violenta, aínda que hoxe se conservan ben a porta e unha seteira no lado da canella, así como un fragmento de capa foi reutilizado como tampa terminal desta última. Obsérvase unha cruz latina gravada na base da padieira dereita da porta. Presenta tellado a dúas augas coa cuberta en tella…

Na ribeira oeste do río Valga, trátase dun muíño de planta rectangular, que no seu día foi de maquía, construído en cachotaría granítica unida con cemento. Presenta tellado a dúas augas coa cuberta en fibrocemento. A canle remataba en dúas canellas, das que só unha se mantén actualmente en uso. Antigamente tiña dous rodicios, aínda que hoxe só presenta un, en perfecto estado. A moa conservada moe millo, aínda que antigamente tamén se moían outros cereais.

Na ribeira do rego das Castañeiras, trátase dun muíño de planta cuadrangular construído en cachotería granítica, coas xuntas unidas con cemento. Cuberta a unha auga rematada en tella do país.

O río Valga, ao que xa se incorporou o caudal do rego do Ferreño, forma un estreito val encaixado en penedos graníticos. Neste punto fórmase un salto de auga situado entre Parafita e Raxoi, cunha altura de caída da auga duns 10 metros.

Segundo o especialista en toponimia galega, Fernando Cabeza Quiles (Os nomes da terra, topónimos galegos), Setecoros é un topónimo que se pode interpretar como unha composición do numeral "sete" e do substantivo prerromano “cor/coro" (pedra), en alusión ás sete formacións pétreas que rodean a meseta da Eira dos Mouros, situada no cumio do monte que se eleva sobre a parroquia de Setecoros.

…

Segundo M. Murguía (1888, p. 621), a igrexa foi consagrada por Xelmírez a comezos do século XII, na mesma data de consagración das demais igrexas da xurisdición iriense, téndose aproveitado na súa construción materiais dunha igrexa anterior.

O Museo de Pontevedra garda, procedentes desta igrexa, un capitel e un fuste de columna de mármore branca, que durante un tempo serviron como soporte dun pórtico emprazado no lateral sur da parroquial. A este capitel de Xanza…

Segundo o Plan Xeral de Ordenación Municipal do Concello de Valga, este hórreo clasifícase dentro da tipoloxía de "hórreo de anchura".