Cruceiro Nº 2 do Campo

Localizado no campo da festa, xunto ao palco da música e a Escola de Xanza. Cruceiro con pousadoiro e baseamento de planta cuadrangular desenrolada en catro chanzos. O pedestal é de feitío cúbico e aparece epigrafiado mediante gravura nos catro lados. Varal monolítico cunha estruturación relativamente complexa á maneira dunha columna sobre unha base moldurada de sección cuadrangular. Capitel troncopiramidal invertido con colariño. Cruz de tipo latino, con sección oitavada. Ao anverso presenta a escena da Crucifixión e o reverso a escena da Piedade da Virxe co Neno morto no colo.