Cruceiro Nº 1 de Vilarello

Cruceiro Nº 1 de Vilarello - Valga - Santa Comba de Cordeiro

Imaxe: Concello de Valga

Cruceiro localizado nun cruzamento de camiños na aldea de Vilarello.

O varal, de 2,2 metros de altura, ten un arranque de sección cuadrangular e desenrolo oitavado por rebaixe das arestas laterais. Nesta columna ten esculpida unha figura masculina vestida con hábito que, segundo algunhas fontes, podería representar a un Santiago Peregrino e, segundo outras, a Santo Antonio Abade. O varal asenta sobre un pedestal, cúbico e achatado, que se atopa enterrado no asfalto e sobresae 15 centímetros do solo.

Foi restaurado en 2024 polo Concello de Valga, a cargo da  a cargo da restauradora Ana Sánchez Calzada, o canteiro David Soengas e o historiador Luis Enrique Rodríguez. Os traballos, que se financiaron cunha subvención da Deputación de Pontevedra, incluíron unha primeira fase de limpeza, retirando depósitos superficiais de terra e as colonias biolóxicas indesexadas, mediante espátulas, cepillos e outras ferramentas de xardinaría. Tamén se aplicou un tratamento biocida para evitar colonizacións posteriores. Por último, realizouse un lavado de toda a superficie da pedra con auga nebulizada.

A segunda fase consistiu na restauración propiamente dita do cruceiro, para o que se endereitou o varal e se reconstruíron, con granito, o capitel e a cruz seguindo as directrices marcadas pola Dirección Xeral de Patrimonio Cultural da Xunta. Trátase de pezas lisas, sen ningún tipo de ornamentación.

  • INFORMACIÓN
  • Código: VA-ER015
  • Outras denominacións:
  • Tipoloxía: Elementos relixiosos
  • Cronoloxía: -
  • Concello: Valga
  • Parroquia: Santa Comba de Cordeiro
  • Lugar: Vilarello
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    PXOM de Ordenación Municipal do Concello de Valga (AR-220)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    PXOM de Ordenación Municipal do Concello de Valga, aprobado o 15 de outubro do 2010 pola Consellería de Medio Ambiente, Territorio e Infraestruturas

    Cruceiros de Galicia

    Concello de Valga

    Diario de Arousa

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Cruceiro de Setecoros

Cruceiro do Coto

Cruceiro dos Martores

Cruz de Magariños