Cruceiro da Laxe Pequena

Cruceiro da Laxe Pequena - Rianxo - San Salvador de Taragoña

Imaxe: Ángel Luis Utrera Baza

Cruceiro da tipoloxía de capeliña ou loreto no lugar da Laxe Pequena.

O conxunto érguese sobre unha laxe de pedra parcialmente asfaltada en época recente. Consta dunha plataforma de tres chanzos sobre a que apoia un varal dunha soa peza de arestas rebaixadas, decorado con catro cunchas nos remates superiores dos chafráns. Capeliña con base tronco piramidal inversa e corpo superior de remate en arco de medio punto, coa imaxe da Virxe da Guadalupe. Non ten ao Neno en brazos, senón que está en actitude de orar, e ten a lúa aos seus pés. Está decorada cuns anxos alados na base inferior e baixo relevos nas caras exteriores, sendo na cara esquerda unha imaxe de San Francisco, na posterior un Cristo portando a cruz e na cara dereita a figura de Santiago. Remata o conxunto na parte superior unha cruz latina con extremos rematado en flor, no anverso a figura de Cristo coas extremidades en paralelo e cos brazos da cruz, baixo cartela de INRI.

As xentes más vellas do lugar aínda lembram o culto que se profesaba a esta imaxe, recordando como sandaban ás xentes que imploraban á Virxe.

  • INFORMACIÓN
  • Código: RI-ER109
  • Outras denominacións:
  • Tipoloxía: Elementos relixiosos
  • Cronoloxía: Século XVII
  • Concello: Rianxo
  • Parroquia: San Salvador de Taragoña
  • Lugar: A Laxe Pequena
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (C-096)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Patrimonio Galego

    Cruceiros de Galicia

    Festas da Guadalupe

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Cruceiro de Outeiro

Cruz das Miráns

As Trece Cruces

Cruceiro dos Lemos