Casa de Isorna

Conxunto de vivenda e anexos situados no extremo norte do lugar de Isorna, nunha finca de grandes dimensións, cun muro de peche perimetral realizado en cachotaría de granito. Edificación principal de planta rectangular e dous andares con cuberta a dúas augas de tella e muros de cachotaría de granito encintados con remates en cantaría na contorna dos ocos. Fachadas de composición sinxela con accesos en planta baixa e ocos rectangulares con carpintería de madeira enrasada. Edificación auxiliar en planta baixa acaroada ao muro de peche e disposta paralela á fachada principal da vivenda, xerando un pequeno patio xunto ao acceso dende a rúa. Ten un reloxo de sol.