Petróglifo Nº 2 de Brión

Aínda que é un conxunto formado por doce laxes con gravados, na actualidade só se aprecian motivos en tres, e o resto está tapado pola vexetación.

- Laxe 1: está situada 7 metros ao sur da casa na que se atopa. Mide 9,15 metros (N-S) e 6,20 metros (L-O). Na esquina sueste, vese un gran motivo consistente nun dobre círculo concéntrico de 50 centímetros de diámetro.

- Laxe 2: está case destruída pola erosión e as fogueiras que se facían nela. Mide 10,25 metros (NL-SO) e 7,80 metros (NO-SL). Na actualidade obsérvase un só gravado consistente un dobre círculo concéntrico de 25 centímetros de diámetro, con coviñas no seu interior.

- Laxe 3: mide 14 metros (N-S) e 8,70 metros (L-O) está moi deteriorada polas fogueiras que se facían nela e o formigón que se botou na parte sueste. Vense tres círculos concéntricos de 55 centímetros de diámetro, con alo menos 23 coviñas e dúas liñas radiais.