Mámoa Nº 4 dos Campiños
Imaxe: Megaliticia
Conxunto de seis túmulos megalíticos que forman a Necrópole dos Campiños, sita nunha chaira disposta lonxitudinalmente sobre a dorsal que cae desde o extremo sur do Monte Lioira. Os túmulos distribúense a ambos lados do camiño a escasos 50 metros do inicio da pista. Hai varias escavadas, mais a máis visible é a última a man dereita, que constitúe o túmulo máis grande.
Mide 19 metros no eixo L-O e 18 no N-S. O diámetro do pozo de saqueo é 3,20 metros no eixo N-S e 4,30 no L-O, a altura máxima do túmulo é 1,79 metros e a profundidade máxima do pozo de saqueo é 1,72 metros. Localízase a 5,50 metros da marxe esquerda do camiño que discorre en sentido N-S o Campo Grande.
Na cámara conserva seis lousas de granito escasamente desprazadas do que debeu ser a súa posición orixinal, e no fondo outras dúas. É probable que a cámara orixinal estivese composta por 10/12 lousas ao abeiro da disposición e distribución que presentan as actuais. Das seis lousas que se atopan erguidas na cámara, soamente despuntan catro por riba da masa tumular. Semella que o acceso á cámara estaba situado cara ao sueste, onde se evidencia un derrubamento que o puidera estar tapando.
Nunha das lousas erguidas, situadas ao carón do corredor, presenta marcas de cantaría tradicional. Cara ao leste, e tirada sobre a masa tumular, atopouse outra lousa tamén con marcas de extracción.
No sector leste e oeste da masa tumular aflora gran cantidade de cachote de granito, o que revela a existencia dunha coiraza de recubrimento. Cara ao sector suroeste hai varias fochancas que teñen alterado substancialmente a configuración tumular.
A 8 metros do borde do túmulo, cara ao sur, localízanse varias lousas-afloramentos que puidese ser o sitio de aprovisionamento para os construtores do túmulo.
- INFORMACIÓN
- Código: RI-AQ070
- Outras denominacións:
- Tipoloxía: Arqueoloxía
- Cronoloxía: Neolítico
- Concello: Rianxo
- Parroquia: Santa María de Isorna
- Lugar: Campo Grande
- Acceso a pé: Bo
- Galería de imaxes: Acceder
- Conservación:
-
- Protección:
Plan Xeral de Ordenación Municipal do Concello de Rianxo (GA15072076)
Inventario Xeral do Patrimonio Cultural de Galicia
- Referencias:
Plan Xeral de Ordenación Municipal do Concello de Rianxo - Aprobación inicial de maio 2014
- XEOLOCALIZACIÓN
- Coordenadas: 42.674195662785 , -8.7660223357644
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.