Cruz da Porta dos Mariños

Cruz da Porta dos Mariños - Padrón - Santa María de Iria Flavia

Imaxe: María Soledad Pintos Peñaranda

Cruz e gravado no lintel de acceso a unha vivenda no lugar da Porta dos Mariños.

O texto que segue a continuación é autoría de Fernando Cabeza Quiles.

Xa hai ben anos que nos chamou a atención o topónimo Porta dos Mariños, nome dunha aldea da parroquia padronesa de Santa María de Iria Flavia. Pensamos que na primeira parte deste nome de lugar está a palabra "porta" igual a 'abertura feita nunha parede para poder entrar e saír', mentres que na segunda se cita o apelido Mariño en plural, en referencia a unha familia así apelidada, que tería no lugar unha propiedade murada na que destacaría unha porta máis ou menos suntuosa ou monumental. A porta da foto, situada na aldea chamada Porta dos Mariños, podería ser a citada no topónimo, pois forma parte, segundo puidemos comprobar, dunha gran propiedade amurallada na que destaca, á parte da porta, a vivenda de morada (en parte "modernizada"), varias pequenas construcións adxectivas e dous hórreos, hoxe en ruínas. Contigua á aldea Porta dos Mariños atópase a de Anteportas, que  estaría situada dende unha determinada dirección ou perspectiva, antes ou ante varias portas, unha das cales sería a de Porta dos Mariños, apelido que en orixe pertenceu á "nobreza" e que deu orixe a diversas e fantasiosas lendas.

  • INFORMACIÓN
  • Código: PA-ER050
  • Outras denominacións:
  • Tipoloxía: Elementos relixiosos
  • Cronoloxía: -
  • Concello: Padrón
  • Parroquia: Santa María de Iria Flavia
  • Lugar: Porta dos Mariños
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Non

  • Referencias:

    Fernando Cabeza Quiles

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Cruz de Extramundi de Arriba

Cruceiro da Devesiña

Calvario de Xoane

Cruceiro de Pousada