Hórreo de Traxeito

Hórreo de Traxeito - Dodro - San Xián de Laíño

Imaxe: Beatriz Pereiras

Situado na finca pertencente á casa nº 52 de Traxeito, no alto do núcleo.

A cimentación é unha repisa moi alta de cachotaría de granito, de varios metros de altura. Os soportes son seis cepas de pedra molduradas na parte superior. Con excepción do primeiro gabinete, o resto está pechado con ladrillo e madeira. O tornarratos é unha peza corrida ao longo do corpo do hórreo. Ten cinco claros con balaústres de madeira e dúas cintas. Linteis de pedra, con fendas de ventilación horizontais. Columnas e cornixa de pedra. Penal dianteiro de pedra con porta de madeira e penal traseiro de pedra sen ventilación. Sobrepenas nos dous pinches, ambos de pedra. No pinche frontal é visible a inscrición coa data só lexible en parte: “(...) POR PEDRO DE FERREIRÓS EN EL AÑO 1856”. Cubrición de tella plana. Remates: cruz latina florenzada con botón central, sobre escocia e base cuadrangular; e pináculo piramidal con bola. Orientado ao NE.

Data do ano 1856, segundo reza no frontispicio, construído por Pedro de Ferreirós. Sempre foi dun único propietario, o que indica que era dunha familia moi adiñeirada, con moitas leiras.

  • INFORMACIÓN
  • Código: DO-HO037
  • Outras denominacións:
  • Tipoloxía: Hórreos
  • Cronoloxía: 1856
  • Concello: Dodro
  • Parroquia: San Xián de Laíño
  • Lugar: Traxeito
  • Acceso a pé: Bo
  • Galería de imaxes: Acceder
  • Conservación:

    Regular, coa madeira gastada e introdución de materiais de construción modernos, como o ladrillo nos gabinetes e a tella plana na cubrición.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 179)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Eira da Malla de Bexo (2 hórreos)

Hórreo de Teaio

Hórreo de Vigo

Hórreo de Rial da Lagoa