Petróglifo Nº 2 do Outeiro do Barral

Petróglifo Nº 2 do Outeiro do Barral - Catoira - San Miguel de Catoira

Imaxe: Cristina Conde Escaloni

Afloramento rochoso granítico nun pequeno outeiro nas proximidades do lugar de Barral. No camiño que leva desde o Petróglifo Nº 1 do Outeiro do Barral a este outro (distantes entre si 143 metros) recolléronse, en 1990, fragmentos de tégulas e cerámicas medievais de cor gris.

Este segundo grupo forma unha soa pedra colmatada de terra e toxos en variadas partes, polo que ten a aparencia de seren varios afloramentos. O motivo decorativo é, tamén, exclusivamente o das coviñas. Ao pé deste segundo afloramento, "preto do camiño e paralelo a este", segundo testemuña a ficha asinada por Caramés e Moreira en 1990, atopábase "unha inscrición gravemente alterada na que se pode ler:

…AVSS (T)DV(NoM) II II

As letras que aparecen entre parénteses son dubidosas, atopándose a parte inicial da inscrición case que desaparecida. As súas dimensións son 1,20 x 17 centímetros". Na actualidade non é posible atopar esta inscrición, quizais desaparecida por causa das obras derivadas da concentración parcelaria que converteron o que era un camiño rural nunha pista de máis de 3 metros de anchura.

  • INFORMACIÓN
  • Código: CA-AQ013
  • Outras denominacións:
  • Tipoloxía: Arqueoloxía
  • Cronoloxía: Idade do Bronce
  • Concello: Catoira
  • Parroquia: San Miguel de Catoira
  • Lugar: Barral
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Catoira (X_0013-GA36010013) - Aprobación inicial de 2012

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Catoira

    Sendón, A. Os petroglifos de Catoira

    Megaliticia

    Colectivo A Rula

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Petróglifo da Aglobada

Mámoa Nº 2 de Menlle

Petróglifo da Busta

Petróglifo das Torres de Oeste