Cruceiro do Reguengo

Baseamento de planta rectangular formado por tres chazos, un deles soterrado. Pedestal cúbico con inscricións e moldura toroidal no cumio. Varal monolítico, de sección cuadrangular na base e desenrolo oitavado mediante rebaixe das arestas. A media altura, no anverso, mostra a imaxe dun santiño sobre unha peaña. O capitel marca o seu arranque cun colariño octogonal. A desaparecida cruz era latina, de sección octogonal e cabos florenzados. No anverso existía unha Crucifixión e no reverso a imaxe da Virxe do Carme.