Cruceiro de Setecoros

Cruceiro de Setecoros - Valga - San Salvador de Setecoros

Imaxe: Jose Alberto Solla Barreiro

Cruceiro do tipo de crucifixo, co baseamento de planta rectangular composto por dous chanzos, o primeiro deles semisoterrado. Pedestal de feitío cúbico coroado por unha moldura toroidal. Varal de sección cuadrangular na base e desenrolo oitavado por rebaixe das arestas laterais. O cumio do varal ten novamente sección cadrada ensanchada. Capitel decorado sobre colariño octogonal. Cruz en moi mal estado de conservación. Na súa orixe tivo feitío latino e sección octogonal por rebaixe de arestas. Actualmente carece de brazo transversal e da cabeceira do traveseiro.

Debido ao mal estado do anverso orixinario (anteriormente existiu unha Crucifixión) na súa recolocación xirouse a cruz 180 graos e agora observamos na parte dianteira o antigo reverso, que consiste nunha Virxe de pé sobre unha peaña. Restaurado no ano 2022.

  • INFORMACIÓN
  • Código: VA-ER027
  • Outras denominacións: Cruceiro da Eirexe
  • Tipoloxía: Elementos relixiosos
  • Cronoloxía: -
  • Concello: Valga
  • Parroquia: San Salvador de Setecoros
  • Lugar: A Eirexe
  • Acceso a pé: Bo
  • Galería de imaxes: Acceder
  • Conservación:

    Perda de fragmentos (cruz).

  • Protección:

    PXOM de Ordenación Municipal do Concello de Valga (AR-316)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    PXOM de Ordenación Municipal do Concello de Valga, aprobado o 15 de outubro do 2010 pola Consellería de Medio Ambiente, Territorio e Infraestruturas

    Cruceiros de Galicia

    La Voz de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Cruceiro do Forno

Virxe de Vilarello

Cruceiro de Raxoi

Cruceiro Nº 1 de Vilar