Corgo do Castelo

Nuns apuntes de García Alén gardados no Museo de Pontevedra, recóllese a tradición oral relacionada co Castelo da Medela, no que se dicía que: “A unos cien metros hay un sitio del que sacaron piedra de un agujero en el que, según la leyenda bailaba una moura”. Probablemente o burato do que falaba García Alén era este corgo.

Presenta forma rectangular, construído con bloques de granito asentados en seco. Ten unhas dimensións de 18 metros no sentido norte-sur e un ancho de 5 metros. Recolle a auga do río mediante unha pequena represa tamén de pedra.