Senda Litoral de Taragoña

Senda Litoral de Taragoña - Rianxo - San Salvador de Taragoña

Imaxe: Jose Alberto Solla Barreiro

Desde a Praia da Torre, na que remata o paseo marítimo de Rianxo, podemos continuar camiñando pola Senda Litoral de Taragoña ao longo de 4 quilómetros máis, até o lugar da Burata bordeando o litoral da Enseada de Rianxo e achegándose até as marismas da desembocadura do río Beluso.

A senda discorre por unha paraxe verde e tranquila, boa parte cruzando bosques autóctonos con carballos, loureiros ou castiñeiros, entre outros, e tamén campos de cultivo ou pequenos regatos protexidos por freixos, ameneiros e salgueiros. Durante o percorrido pódese ver, cando a marea está baixa, a mariscadoras cos seus raños recollendo ameixas ou berberechos. Ademais, esta zona é boa tamén para a observación de aves, principalmente no inverno, como o mergullón de pescozo negro e o mergo cristado. No Porto de Taragoña e na Esteiro do río Beluso pódense observar ademais parrulos, garzas reais, garzotas, gaivotas e picapeixes.

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Praia do Muíño

Praia das Trece Cruces

Punta Fincheira

Punta Palleiro