Cruceiro de Pilatos

Cruceiro de Pilatos - Rianxo - Santa María de Asados

Imaxe: Cruceiros de Galicia

Singular cruceiro do lugar da Mámoa, moi similar ao outro cruceiro da Mámoa. Ambos presentan moitos elementos comúns e relativamente infrecuentes entre os cruceiros do Concello.

A plataforma é cuadrangular de tres graos. Os vértices de cada esquina dos chanzos van adornados cunha forma ondulada que remata en volutas. O pedestal é cuadrangular, moi moldurado e cunha gran escocia. O fuste é de sección cuadrangular coa base e tope de maior grosor e cos paramentos recadrados. O capitel é cuadrangular adornado con volutas, follas de acanto, orlas vexetais e querubíns, co astrágalo liso e o ábaco de lados curvos e vértices chafranados. A cruz é leñosa con nós. O Cristo presenta varios elementos pouco comúns: a cabeza inclínase cara adiante, e non cara algún lado; está sinalando cos índices de ámbalas dúas mans; leva coroa de espiñas; o pano de pureza vai anoado cunha corda; o INRI vai nun pergameo. No reverso, a Virxe está en actitude oratoria coas mans en cruz sobre o peito e sobre peaña dun anxo con ás. Presenta a peculiaridade dun nimbo de ferro.

  • INFORMACIÓN
  • Código: RI-ER030
  • Outras denominacións:
  • Tipoloxía: Elementos relixiosos
  • Cronoloxía: -
  • Concello: Rianxo
  • Parroquia: Santa María de Asados
  • Lugar: A Mámoa
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (C-030)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Cruceiros de Galicia

    Xenealoxías do Barbanza

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Cruceiro da Regalada

Cruceiro Nº 2 de Burés

Cruceiro da Rocha

Cruceiro da Coviña