Casa do Souto de Castela

Vivenda situada sobre a marxe norte da estrada principal do Araño, xunto ao centro sociocultural e á escola. Está realizada principalmente con muros de cachotaría de granito, aínda que ten partes de cantaría. Planta rectangular e dous andares, con cuberta a dúas augas de tella. Acceso principal á vivenda dende a estrada, mediante tres portas alinteladas. Existe tamén un acceso lateral no muro de peche da finca, sobre o que destaca un hórreo. Balcón central cuberto retranqueado do plano da fachada principal, con varanda e montantes metálicos, e dous balcóns laterais das mesmas características e menores dimensións.