Casa dos Aguirre

Casa dos Aguirre - Rianxo - Santa Comba de Rianxo

Imaxe: roteirocastelao.gal

Esta casa brasonada, que fundara en 1565 o fidalgo Gonzalo Fernández de Bastón, segundo indicou o propio Castelao, está situada onde comeza a rúa do Hospital. Era propiedade dos Aguirre (un dos Aguirre, Sixto, foi “paseado” en Palas de Rei, xunto a Camilo Díaz Valiño, pai de Isaac Díaz Pardo, en agosto de 1936). Os Aguirre tamén tiñan casa en Imo (Dodro). Cando decidiu establecerse na vila, Castelao escolleuna para instalar nela a súa consulta médica.

Unha vez casado con Virginia Pereira Renda, en outubro de 1912, o matrimonio fixou nela a súa residencia. Había poucos meses que expuxera os seus cadros en Madrid, con boa acollida, tendo certas repercusións na vila. Á volta do artista, un tal Manuel Otero, desde as pedras de Longras, lanzou ao aire unhas cantas ducias de bombas para darlle a benvida. Logo celebraron un banquete na súa honra. Aquí pintou algúns dos seus debuxos e cadros, entre eles o tríptico “Contos de cegos”, que lle encargara o seu amigo Enrique Peinador en 1914, para o hotel do balneario de Mondariz e que entregou en xaneiro de 1915. Ademais, ese mesmo ano naceu o seu único fillo, Alfonso Luís Xesús.

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Casa dos Cambreiros

Casa de Álvaro Núñez de Isorna

Casas de Rañó

Casa da República