Escola do Vilar

Escola do Vilar - Rianxo - Santa Baia do Araño

Imaxe: Xenealoxías do Barbanza

Edificación illada de planta rectangular situada ao sur do lugar do Vilar. Volume de dous andares e cuberta a un auga de tella, realizado en formigón con detalles de cantaría nas esquinas. Tipoloxía propia das escolas unitarias, con fachadas de composición simétrica e ocos rectangulares. Destaca o balcón cuberto nun extremo da fachada leste, baixo o cal se localiza o acceso principal. Recentemente rehabilitada.

As escolas unitarias eran as existentes no rural galego hai varias décadas, mostra da vida propia das parroquias, que entón eran as máis importantes social e administrativamente. As parroquias foron, pouco a pouco, sendo desposadas da súa organización e estrutura, cando os mestres deixaron de vivir na mesma parroquia, os curas escasearon, e as escolas pasaron a ser grupos escolares xeralmente na capitalidade do concello para optimizar os recursos e estruturar a formación dos alumnos.

Mantivéronse determinadas escolas unitarias, ben para educación preescolar, ben porque a entidade do núcleo permitía ou esixía esa individualidade, mais foron desaparecendo pola diminución da matrícula ao reducirse a poboación.

  • INFORMACIÓN
  • Código: RI-AC010
  • Outras denominacións:
  • Tipoloxía: Arquitectura civil
  • Cronoloxía: -
  • Concello: Rianxo
  • Parroquia: Santa Baia do Araño
  • Lugar: O Vilar
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (B-006)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    CRA de Rianxo

    Xenealoxías do Barbanza

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Casa dos Aguirre

Casa reitoral de Santa María de Isorna

Restaurante Bar Ela

Casa da Lagarteira