Petróglifo Nº 5 de Brión

Sobre unha laxe orientada cara ao sur, de 7,80 e 4 metros nos eixos N-S e L-O respectivamente, localízanse 4 cruces e os iniciais F Y, presentando suco en V e localizados a 40 centímetros ao oeste da primeira cruz. A primeira cruz latina, rematada en pé horizontal, está orientada ao norte, e ten unhas dimensións de 13x5 centímetros de lonxitude de brazo e suco en V de 1,5 centímetros. A segunda sitúase a 6 centímetros ao leste desta, tamén latina e de 11x9 centímetros de lonxitude de brazo, orientada ao norte e de suco en V de 2 centímetros de profundidade. A terceira cruz está situada a 47 centímetros da segunda, latina e presenta pé rematado en cadrado, de 16x8 centímetros de lonxitude de brazo e suco en V de 1 centímetro. A cuarta disponse 55 centímetros ao norte da terceira, grega e de 8x7 centímetros de lonxitude de brazo e presenta suco en U de 2,5 centímetros. Posiblemente se trate dunha laxe que indicaría un linde, e os gravados pertencerían a época histórica.