Petróglifo de Sobrelodeiro

Conxunto formado por catro laxes con gravados, aínda que na actualidade, debido á vexetación só é visible unha das laxes, concretamente a máis afastada.

A laxe 1 mide 3,20 metros no eixo N-S e 1,50 no eixo L-O. Está orientada cara ao sur, e aprécianse varios motivos. Na parte norte da rocha obsérvase un círculo incompleto e á súa esquerda aparecen uns trazos identificables. Na parte sueste obsérvase un zoomorfo duns 20 centímetros de altura moi erosionado.