Paso de barcas de Carcacía

 Paso de barcas de Carcacía - Padrón - San Pedro de Carcacía

Imaxe: Dubardu Hughes

Antes da construción da Ponte de Sinde, que uniría as parroquias de San Pedro de Carcacía (Padrón) e San Miguel de Barcala (A Estrada), o medio máis rápido para cruzar o río Ulla desde a aldea de Bandín até o resto da parroquia de Carcacía era o uso de barcas guiadas cunha corda (maroma). Na beira do río en Bandín e na área recreativa do Areeiro aínda se conservan algunhas das pedras (turros) que se usaban como amarre e guía destas cordas.

Este método usábase para o transporte de persoas, mercadorías e incluso para levar aos mortos de Bandín ao cemiterio de Carcacía. Hai que ter en conta que no meses de inverno era moi complicado cruzar o río en barca coa caixa do morto, e incluso houbo ocasións que esta ten caído ao río. Para evitar isto e por petición dos veciños, a aldea de Badín pasou a depender eclesialmente da parroquia de San Miguel de Barcala (A Estrada), aínda que administrativamente pertenza a San Pedro de Carcacía (Padrón).

Existían outros pasos con barca para cruzar o río Ulla en Vedra, Teo ou A Barca (Herbón - Padrón).

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Pombal do Areal

Porta do Bordel

Palco da música de Herbón

Pombal do Pazo da Inquisición