Pazo do Bispo de Quito

Pazo do Bispo de Quito - Padrón - Santiago de Padrón

Imaxe: Xenealoxías do Barbanza

Exemplar de construción residencial cidadán de grande relevancia. Trátase dun edificio renacentista obra de Melchor Velasco Agüero, realizado por encargo de Alonso de la Peña e Montenegro, que foi reitor da Universidade de Santiago, e posteriormente bispo e capitán xeneral de Quito (Perú), onde finou no 1688. Está constituído por unha agrupación de construcións, con corpo principal de dous andares e fachada principal moi sobria de cantaría. Presenta todo a súa fronte con soportal de seis arcos de medio punto, algo rebaixados e lisos, sobre pilastras cadradas e robustas, ás que se superpoñen en relevo, outras acaroadas e esveltas, que acadan con sinxelos capiteis a cornixa, mentres que a imposta que manifesta o cambio de andar, pásalles por riba. En sendas ensanchas destas pilastras sitúanse dous escudos do arcebispado. Ten horta-xardín, con elegante reixa de ferro forxado na rúa Balsa de la Vega.

Alonso de la Peña e Montenegro foi enterrado en Quito, malia que dotara o seu panteón na Igrexa de Santa María a Maior de Iria Flavia, con sepulcro e estatua orante, mais a súa familia non se ocupou do traslado do corpo, polo que o sepulcro de Iria está baleiro.

  • INFORMACIÓN
  • Código: PA-AC003
  • Outras denominacións: Pazo de Quito
  • Tipoloxía: Arquitectura civil
  • Cronoloxía: 1666
  • Concello: Padrón
  • Parroquia: Santiago de Padrón
  • Lugar: Rúa das Dores
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Padrón (21)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Padrón, aprobado o 27 de xullo de 1994

    Museo Virtual da Universidade de Santiago de Compostela

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Xardín da Fundación Paideia

Calexa do Castro

Casa do Administrador da Orde Terceira

Pazo de Arretén