Pombal do Outeiriño

Situado no lugar da Igrexa, ao pé da estrada.

De planta cuadrangular e paredes de cachotaría de granito, con porta alintelada con folla de madeira. Repisa perimétrica de lousas de pedra na parte superior do pombal. Cubrición a dúas augas, de uralita con tella camba na cumieira. orixinalmente tiña a cubrición de tella do país.

Conta a propietaria que tería máis de cen anos, xa que a casa, co pombal e o hórreo a comprou o seu avó cando veu da Arxentina, e que a súa nai, que morreu con máis de oitenta anos, acórdalle sempre o pombal e o hórreo.