Pombal do Outeiriño

Pombal do Outeiriño - Dodro - San Xián de Laíño

Imaxe: Amador Loureiro

Localizado nun outeiro, na zona coñecida como O Souto, na finca designada como A Horta do Val.

Orixinal pombal de planta octogonal e muros de cachotaría, enlucidos con morteiro de cemento e pintados, en cada cara, de cor branca e laranxa imitando fiestras rematadas en arco oxival. Presenta un aleiro perimétrico na parte superior, á altura das aperturas cuadrangulares, visibles na parte frontal, que permiten a entrada e saída das pombas. Cuberta poligonal, decorada no borde con pequenos telladiños en todo o seu contorno imitando pequenos frontóns sobre cada cara do octógono. Presenta unhas escaleiras na parte traseira, de cemento, que dan acceso a unha entrada alintelada pechada cunha folla de metal. Baixo estas escaleiras é visible outro van alintelado pechado cunha porta de madeira. Actualmente en desuso, malia que aínda se poda ver algunha pomba entrar nel.

O pombal forma parte do conxunto de casa tradicional, hórreo e pombal. A casa foi feita en 1927, polo que o pombal dataría deses mesmos anos.

  • INFORMACIÓN
  • Código: DO-OC015
  • Outras denominacións:
  • Tipoloxía: Obra civil
  • Cronoloxía: 1927
  • Concello: Dodro
  • Parroquia: San Xián de Laíño
  • Lugar: Manselle
  • Acceso a pé: Bo
  • Galería de imaxes: Acceder
  • Conservación:

    Malo, en estado de abandono. As pinturas apenas se conservan.

  • Protección:

    Plan Xeral de Ordenación Municipal do Concello de Dodro (CP-51)

    Inventario Xeral do Patrimonio Cultural de Galicia

  • Referencias:

    Traballo de inventariado feito por Beatríz Pereiras en 2010

    Sendeiros de Dodro

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Pombal de Bustelo

Reloxo de sol Nº 1 de Vigo

Reloxo de sol Nº 3 de Rial da Lagoa

Reloxo de sol Nº 1 de Rial da Lagoa