Hórreo de Revixós

Hórreo de Revixós - Dodro - Santa María de Dodro

Imaxe: Beatriz Pereiras

No lugar chamado O Outeiro. Hai outros catro hórreos no Outeiro, mais con ladrillos e cemento.

Cimentado sobre un muro ou repisa de cachotaría de granito baixa, duns 30 centímetros de altura. Os soportes son tres cepas de pedra, estando o gabinete norte pechado con cemento e cunha porta de chapa metálica no lateral leste. O tornarratos é unha pedra rectangular transversal sobre cada cepa. Ten dous claros con balaústres de madeira e dúas cintas. Cunha porta de chapa metálica no lateral leste e unha porta de madeira no lateral oeste. Linteis e columnas de pedra e cornixa de madeira. Penal da fronte de pedra, co espazo onde iría a porta de madeira pechado con ladrillo. Penal traseiro de pedra e madeira. Pinches madeira. Cubrición de uralita e por riba tella do país. Non conserva os remates. Orientado ao NE.

No 2010, din os veciños que sería moi antigo, aínda que non precisaron anos. Dataría de principios do século XX.

  • INFORMACIÓN
  • Código: DO-HO158
  • Outras denominacións:
  • Tipoloxía: Hórreos
  • Cronoloxía: Século XX
  • Concello: Dodro
  • Parroquia: Santa María de Dodro
  • Lugar: Revixós
  • Acceso a pé: Bo
  • Galería de imaxes: Acceder
  • Conservación:

    Mala, con partes en cemento e ladrillo e elementos metálicos; a madeira foi restaurada en parte, estando a restante en malas condicións.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 44)

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Tarrío

Hórreo de Imo

Hórreo de Manselle

Hórreo da Miguensa