Hórreo de Reboiras

Hórreo de Reboiras - Dodro - San Xián de Laíño

Imaxe: Beatriz Pereiras

Situado no lugar coñecido como O Outeiro, na entrada sur de Reboiras, ao pé dunha pista asfaltada.

Trátase dun fermoso exemplar de hórreo mixto con decoración nos pinches. A cimentación é unha repisa de cachotaría de granito moi alta, aproximadamente duns 3 metros de altura. Os soportes son catro cepas de pedra de gran robustez. O tornarratos é unha peza corrida ao longo do corpo do hórreo. Ten tres claros, non conservando o peche de madeira ningún deles. Columnas e cornixa de pedra. Penal dianteiro de pedra, non conservando a folla de madeira da porta, rematando o van da entrada en arco, e penal traseiro tamén de pedra con oito fendas de ventilación horizontais. Sobrepenas nos dous pinches, ambos de pedra. Presenta os pinches decorados con motivos en relevo: o dianteiro con motivo floral inscrito en dous círculos, e no traseiro con círculo en relevo co interior escavado e cun pequeno orificio central de aireación. Son visibles dous arcos, de pedra, sobre os que descansaría a armazón da cubrición e que asentan sobre a cornixa. Non conserva a cubrición, que sería de tella do país, estando totalmente derruído no interior do propio hórreo. Remates: cruz latina alta florenzada con botón central e moldurada; e pináculo piramidal de gran tamaño. Orientado ao N.

No 2010,  segundo o propietario é moi antigo, xa que el ten 82 anos e xa o recorda sempre. Por factura parece, efectivamente, moi antigo.

  • INFORMACIÓN
  • Código: DO-HO252
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Reboiras
  • Acceso a pé: Bo
  • Galería de imaxes: Acceder
  • Conservación:

    Moi mala, en estado absolutamente ruinoso. Non conserva a madeira nin a cubrición, deixando ver o esqueleto de pedra, con arcos pétreos para a suxeición da cubrición.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 124)

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Tallós

Hórreo de Tarrío

Hórreo de Bexo

Hórreo de Lestrobe