Hórreo de Imo
Imaxe: Beatriz Pereiras
No lugar chamado Quinteiro de Baixo, pertencente á casa nº 115.
A cimentación é unha repisa alta de perpiaños e cachotes de granito, cunhas esqueiras de pedra de acceso ao hórreo na fronte, con cinco grades. Os soportes son catro cepas de pedra, molduradas en forma de semicírculo na parte superior. Os gabinetes están pechados con madeira no lateral leste, en mal estado, sendo usados dous deles para gardar leña. O tornarratos é unha peza corrida ao longo de todo o corpo do hórreo. Ten tres claros, con balaústres de madeira e dúas cintas, cunha porta de madeira no lateral oeste. Non ten linteis. Columnas de pedra e cornixa de madeira. Penal dianteiro de pedra con porta de madeira, e penal traseiro de pedra con sete fendas de ventilación horizontais. Sobrepenas nos dous pinches, ambos de pedra. Armazón de madeira e cubrición de tella do país. Remates: non conserva a cruz, mantendo só un pináculo piramidal rematado en bóla ovoide. Orientado ao SW
Segundo a ficha do Inventario de Patrimonio, sería de principios do século XIX, na segunda época de apoxeo do millo (entre 1800 e 1830), con todas as reservas. Actualmente en uso.
- INFORMACIÓN
- Código: DO-HO067
- Outras denominacións: Hórreo Nº 1 de Loureiro
- Tipoloxía: Hórreos
- Cronoloxía: Século XIX
- Concello: Dodro
- Parroquia: San Xoán de Laíño
- Lugar: Imo
- Acceso a pé: Bo
- Galería de imaxes: Acceder
- Conservación:
Mala, coa madeira e a cubrición en mal estado. Así mesmo, faltan pedras na parte superior da repisa. Recoméndase restauración.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 239)
- XEOLOCALIZACIÓN
- Coordenadas: 42.711948845987 , -8.7245954539082
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.