Hórreo de Bustelo

Hórreo de Bustelo - Dodro - San Xoán de Laíño

Imaxe: Beatriz Pereiras

Situado ás aforas do núcleo, nunha eira no ángulo NE da aldea.

A cimentación non é visible, ao estar o lugar cuberto de vexetación, mais parece que carece de plataforma. Os soportes son tres cepas de perpiaños. Tornarratos corrido ao longo de todo o corpo do hórreo. Ten dous claros, pechados orixinalmente con balaústres de madeira, aínda que actualmente xa non a conserva. Non ten linteis. Columnas e cornixa de pedra. Penal dianteiro de pedra con van alintelado para a porta, faltándolle a folla de madeira. Penal traseiro de perpiaños sen ventilación. Sobrepenas nos dous pinches, ambos de pedra. Cubrición de tella do país. Remates: no penal dianteiro, cruz latina baixa de sección cuadrangular sobre base cuadrangular; e no penal traseiro, pináculo piramidal estilizado rematado en bóla ovoide e sobre base cuadrangular. Orientado ao NE.

Segundo a ficha do Inventario de Patrimonio, dataría de arredor de 1880, por analoxía con outros hórreos da mesma tipoloxía de Bustelo.

  • INFORMACIÓN
  • Código: DO-HO044
  • Outras denominacións: Hórreo de Castaño
  • Tipoloxía: Hórreos
  • Cronoloxía: 1880
  • Concello: Dodro
  • Parroquia: San Xoán de Laíño
  • Lugar: Bustelo
  • Acceso a pé: Bo
  • Galería de imaxes: Acceder
  • Conservación:

    Moi mala, en total estado de abandono. Fáltalle toda a madeira dos claros, a tella da cubrición está en mal estado e o entorno está cuberto de vexetación.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 210)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Rialiño

Hórreo de Vigo

Hórreo da Igrexa

Hórreo de Bustelo