Hórreo da Eira das Pías

Hórreo da Eira das Pías - Dodro - San Xoán de Laíño

Imaxe: Beatriz Pereiras

Localizado na Aldea de Abaixo, no lugar coñecido como Eira das Pías.

A cimentación non é visible. O soporte é un celeiro de perpiaños e cachotes de granito, que no extremo norte está reformado con bloques de cemento, e no lateral oeste é visible unha pequeno van rectangular. Tornarratos corrido ao longo do corpo de todo o hórreo. Ten sete claros, con balaústres de madeira e unha cinta, con seis portas de madeira no lateral oeste, unha por cada claro, con excepción do claro norte, que ten o acceso polo penal dianteiro. Non todos os claros teñen linteis, sendo estes de pedra e, nalgún caso, de bloques de cemento. Os linteis presentan fendas de ventilación horizontais. Columnas de pedra e cornixa de madeira. Penal frontal de pedra con porta de madeira, e penal traseiro de pedra con seis fendas de ventilación horizontais. Sobrepenas nos dous pinches, ambos de pedra. A cubrición é, a metade de uralita e a outra metade de tella do país. Remates: no penal frontal, cruz florenzada cos ángulos en chafrán sobre base cuadrangular; e pináculo de base cilíndrica e corpo en forma de talo de sección cuadrangular rematado en bóla, sobre base ancha cuadrangular. Orientado ao NE. 

No 2010, segundo unha das propietarias, trátase dun hórreo moi antigo, de máis de cen anos. Segundo a ficha do Inventario de Patrimonio, sería de principios do século XX. É o hórreo máis grande do concello.

  • INFORMACIÓN
  • Código: DO-HO019
  • Outras denominacións:
  • Tipoloxía: Hórreos
  • Cronoloxía: Século XX
  • Concello: Dodro
  • Parroquia: San Xoán de Laíño
  • Lugar: Bexo
  • Acceso a pé: Bo
  • Galería de imaxes: Acceder
  • Conservación:

    Mala, coa introdución de materiais de construción modernos, como o cemento e a uralita. A madeira consérvase en mal estado, así coma a cubrición de tella.

  • Protección:

    Plan Xeral de Ordenación Municipal do Concello de Dodro (CP-80)

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 196)

    Sendeiros de Dodro

    Patrimonio Galego

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Bexo

Hórreo de Bustelo

Hórreo de Teaio

Hórreo de Rial da Lagoa