Pinal da Braña

Pinal da Braña - Dodro - San Xián de Laíño

Imaxe: Sendeiros de Dodro | Concello de Dodro

Localizado no interior das Brañas de Laíño, aquí facían noite os pascueiros que levaban os cabalos á feira de Padrón. Onde antes había piñeiros mansos xigantescos, medrou despois un bosque de acacias negras.

Manuel Lorenzo Baleirón, no seu libro “Toponimia de Dodro e de Laíño. Os nomes na auga”, escribe desta lugar: “O Pinal da Braña está ó lado do esteiro de Tallós e refírese a el Rosalía nun verso (“véxote aló nas brañas, xa no pinar espeso”) pois non houbo outro na zona. Á beira do Pinal había pozos que se dicía que non tiñan fondo. E non o terían. Explica Méndez Ferrín que son comúns en Galicia e no norte de Portugal estes pozos ou pegos (do grego pelagos, ‘mar’), tan profundos que non se dá chegado ó fondo, mesmo se se lles fai unha sondaxe con sete sedeños e que constitúen as portas do máis alá, do outro mundo. Poderiamos imaxinar aquí, entre os doces ameneiros da braña, nos goios charquentos e nas tremas sen cabo dos esteiros, o cadro de Corot no que Orfeo regresa con Eurídice dos infernos por alagados bosques, a lira na man en alto, perseguidos polas sombras glaucas da morte.”

  • INFORMACIÓN
  • Código: DO-NA005
  • Outras denominacións: Pinal do Marqués
  • Tipoloxía: Espazos naturais
  • Cronoloxía:
  • Concello: Dodro
  • Parroquia: San Xián de Laíño
  • Lugar: Brañas de Laíño
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Decisión da Comisión do 7 de decembro de 2004 - LIC (Lugar de Interese Comunitario)

    Decreto 37/2014 - ZEC (Zona Especial de Conservación)

    Decreto 37/2014 - Rede Natura 2000

    Real Decreto 103/2003 - Espazo Natural do Plan Hidrolóxico Galicia Costa

  • Referencias:

    Sendeiros de Dodro

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Río de San Lufo

Porto de Bexo

Insua de Bexo

A Brañiña