Cruz do Pan

Cruz do Pan - Catoira - San Pedro de Dimo

Imaxe: Cruceiros de Galicia

Cruceiro do tipo de crucifixo. Presenta unha gran plataforma de cachotaría feita sobre o noiro da estrada. Catro chanzos e unha base cúbica coas arestas superiores rebaixadas serven de sustentación á obra. Fuste octogonal todo ao longo, mais con resaltes na parte baixa e alta. Amosa por diante e no terzo superior unha imaxe de Santo Antonio co libro dos sermóns na man. Capitel de catro lados curvos con cabeciñas nas partes centrais e barcas nas esquinas que soporta unha cruz de sección circular, lisa, con figuras no anverso e reverso. Así, por diante, vemos un Cristo baixo INRI, cos brazos en ángulo, as mans pechadas, o nó do pano á súa dereita e o pé dereito agochando o esquerdo. Por detrás vese a imaxe da Virxe María de pé, sobre pousadoiro de cabeza de anxo, cos dedos das mans entrelazados e cuberta por un manto.

  • INFORMACIÓN
  • Código: CA-ER012
  • Outras denominacións: Cruceiro do Arón
  • Tipoloxía: Elementos relixiosos
  • Cronoloxía: -
  • Concello: Catoira
  • Parroquia: San Pedro de Dimo
  • Lugar: Coaxe
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Catoira (E_019) - Aprobación inicial de 2012

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Plan Xeral de Ordenación Municipal do Concello de Catoira - Aprobación inicial de 2012

    Fernández de la Cigoña, E. Cruces, cruceiros e petos do concello de Catoira, (Historia dun concello). Asociación galega para a cultura e a ecoloxía-Editorial AGCE, 2008

    Cruceiros de Galicia

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Cruz da Igrexa de Santa Baia de Oeste

Cruz alta das Cruces

Cruceiro do Busto

Cruceiro de Viladesuso