Casa dos de Morales

Casa dos de Morales - Catoira - San Pedro de Dimo

Imaxe: David García Lorenzo

Casa grande de factura tradicional que combina paramentos de distintas tipoloxías, e que se presenta pouco alterada respecto da súa tipoloxía orixinal. De planta en forma de U, dous andares e cuberta a dúas augas. Destaca a súa fachada oeste, onde se sitúa un fermoso balcón cuberto e corrido, sustentado por columnas que ocupa toda a fachada e ao que se accede a través dunha escaleira exterior de dobre tiro, gorecida por varanda pétrea. Moitas das xanelas do conxunto presentan trabatel.

No interior existen antigas portas, hoxe tapadas, e unha cruz gravada na parede. Conta cunha mina de auga para o abastecemento da casa e dous hórreos.

Cóntannos que era a casa dun "bis rei" (vicerrei) e que este adoitaba sacar o ouro que posuía a relucir. Cando se reformou a propiedade, atopouse un cofre pequeno con moedas de ouro nunha viga do tellado. Existen documentos de 1865 nos que consta unha licenza para vender tabaco.

  • INFORMACIÓN
  • Código: CA-AC004
  • Outras denominacións:
  • Tipoloxía: Arquitectura civil
  • Cronoloxía: -
  • Concello: Catoira
  • Parroquia: San Pedro de Dimo
  • Lugar: Tarrío
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Catoira (A_008) - Aprobación inicial de 2012

    Inventario Xeral do Patrimonio Cultural de Galicia

  • Referencias:

    David García Lorenzo

    Plan Xeral de Ordenación Municipal do Concello de Catoira - Aprobación inicial de 2012

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Casa de Maquieira

Estación de Catoira

Pazo da Baiuca

Finca de Patiño