Mámoa Nº 2 do Monte das Mámoas

Mámoa Nº 2 do Monte das Mámoas - Catoira - Santa Baia de Oeste

Imaxe: Cristina Conde Escaloni

O Monte das Mámoas é un conxunto formado por esta mámoa e a Mámoa Nº 1 do Monte das Mámoas. A descuberta do Monte das Mámoas foi en 1956 e é atribuída a Ramón Sobrino Buhigas. Este dato non é correcto, posto que o naturalista e arqueólogo pontevedrino morrera no ano 1946. Entón, o mérito só podería corresponder ao seu fillo, Ramón Sobrino Lorenzo-Ruxa (1915-1959), naquela altura comisario de escavacións arqueolóxicas, entre outras moitas ocupacións.

En El trayecto voacional de un arquólogo, o profesor Ángel Núñez publica anotacións da axenda de traballo de Ramón Sobrino Lorenzo-Ruxa. Unha desas anotacións dá a data exacta na que visitou catoira e incia quen foi a persoa que o orientou para chegar até o monumento megalítico: "3 de abril de 1955. Excursión a Catoira. López, el de la papelería "El Sol" me habla de conchas en la Balastrera. No las encontramos. Frente a la Balastrera otro montículo también de cantos rodados y limonita. Descubro dos mámoas y las fotografío. Tienen sepultura megalítica, saqueada. Se llama "Monte das Mámoas". Pregunto y no saben decirme el porqué de este nombre." p. 23 e 24.

Trátase dun túmulo megalítico duns 20 metros de diámetro e 1,2 metros de altura, medidas todas elas tomadas en 2006, mais que hoxe resultan de moi difícil comprobación a causa da espesura do arboredo e da vexetación. O terzo E do túmulo foi destruído con motivo da realización dunha repoboación forestal a base de castiñeiros realizada nos últimos anos. Antes, a construción dun muro de cachotaría antigo neste mesmo sector (algún dos esteos mellor dimensionados podería ter sido extraído da cámara), xa contribuíra á alteración da masa tumular.

Presenta un furado de violación central duns 3 metros de diámetro e 40 centímetros de fondo, mais na actualidade é dificilmente medible a causa da colmatación natural á que está sometido.

No centro do furado de violación son visibles 2 chantos de granito dispostos en paralelo presentando unha orientación NE-SW. O chanto situado cara o E mide 50 centímetros de anchura, 20 centímetros de groso e conserva unha altura visible de 25 centímetros. Pola súa parte, o situado cara o W mide 70 centímetros de anchura, 23 centímetros de groso e conserva unha altura visible de 25 centímetros.

  • INFORMACIÓN
  • Código: CA-AQ014
  • Outras denominacións: Mamas II ou Mámoa Nº 2 da Balastrera
  • Tipoloxía: Arqueoloxía
  • Cronoloxía: Neolítico
  • Concello: Catoira
  • Parroquia: Santa Baia de Oeste
  • Lugar: Balastrera
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Catoira (X_014-GA36010014) - Aprobación inicial de 2012

    Inventario Xeral do Patrimonio Cultural de Galicia

  • Referencias:

    Ilha de Orjais

    Colectivo A Rula

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Castro de Gondar

Petróglifo Nº 1 das Lagoas

Alquerque Nº 1 das Torres de Oeste

Alquerque Nº 2 das Torres de Oeste