Busca

Trátase dunha cruz alta, posto que cruz e varal forman un único bloque de pedra de cantaría. O baseamento ten planta cuadrangular e está composto por dúas gradas de bloques graníticos. O pedestal é un simple cubo de pedra coroado por molduras aboceladas de perfís decrecentes. A cruz ten un arranque de sección cuadrangular e desenrolo octogonal. Todo o conxunto presenta erosión, como consecuencia do vento e da chuvia.

No anverso atopamos a figura dun Cristo…

Trátase dunha cruz de pedra ergueita sobre un varal asentado nunha base granítica. Carece de baseamento e de capitel. O pedestal é cúbico. Non se trata do orixinal, o cal se atopa ao carón do mesmo. Varal monolítico de sección cuadrangular no comezo e no remate, mais oitavada no desenrolo por rebaixe das arestas laterais. A cruz non presenta figuración algunha. O seu feitío é anómalo xa que o brazo transversal é maior có da vertical.

Trátase dunha cruz de granito asentada sobre unha base de cantaría. Pedestal cúbico e labra irregular. Cruz latina de sección cuadrangular no arranque. Rebáixanse as arestas para dar lugar a unha sección xenérica oitavada. Posúe os cabos florenzados e ornamentados.

Trátase dunha cruz de granito asentada sobre unha base de cantaría co pedestal cúbico. Emprazada dentro dos terreos propiedade da INTAVALSA.

Unha mina de auga non deixa de ser nunha escavación na rocha na que aflora a auga para o seu mellor aproveitamento. Supoñen o acondicionamento do punto de afloramento das correntes subterráneas de auga, e ademais de sanear a zona para evitar contaminacións do recurso, serven para facilitar a canalización cara unha fonte ou condución.

A Vía Militar Romana Número XIX discorre polo Concello de Valga de norte a sur polas parroquias de Setecoros (Magariños e Cernadas), Xanza (Outeiriño, A Eirexe, Campo e Medela) e Valga (Ponte Valga).

O Itinerario de Antonino, na súa guía de camiños, contabiliza 299 millas para o percorrido da Vía Militar Romana Número XIX Via a Bracara Asturicam por Lugo. No seu percorrido sur a norte pola provincia de Pontevedra, discorre pola depresión meridiana, eixo…