Cruceiro de Cerneira

Cruceiro de Cerneira - Valga - San Salvador de Setecoros

Imaxe: Concello de Valga

Cruceiro do tipo de crucifixo, con baseamento de planta octogonal composto por cinco chanzos. Pedestal pseudocúbico, de planta octogonal e con inscricións. Varal con base de sección cuadrangular e desenrolo a modo de corpo cilíndrico e estriado. Capitel de feitío cúbico sobre colariño curvo. Cruz moi alterada xa que carece da cabeceira e dos cabos do brazo menor. Do anverso orixinal só se conserva o tronco da figura de Cristo. O reverso mostra unha Piedade. Trátase do cruceiro máis antigo de Valga.

Foi restaurado no ano 2023, nunhas obras promovidas polo Concello de Valga, nas que se desmontou a parte escultórica para eliminar o cemento que recubría algunhas zonas. Tamén se revisaron e cambiaron as unións entre pezas, que estaban feitas con cinchas e cravos de ferro que se atopaban oxidados. En substitución destes colocouse unha nova vara central de fibra de vidro para reforzar a unión entre a cruz e o varal. Na planta tamén se eliminaron e sanearon as xuntas de cemento, substituíndo este material por morteiro tradicional a base de cal dunha tonalidade similar á pedra orixinal.

  • INFORMACIÓN
  • Código: VA-ER028
  • Outras denominacións:
  • Tipoloxía: Elementos relixiosos
  • Cronoloxía: 1670
  • Concello: Valga
  • Parroquia: San Salvador de Setecoros
  • Lugar: Cerneira
  • Acceso a pé: Bo
  • Galería de imaxes: Acceder
  • Conservación:

    Presenta perda de fragmentos. Segundo conta un veciño, rompeu no anos 30 do século XX debido a un vendaval, que tamén deitou chemineas, tellados.

  • Protección:

    PXOM de Ordenación Municipal do Concello de Valga (AR-317)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    PXOM de Ordenación Municipal do Concello de Valga, aprobado o 15 de outubro do 2010 pola Consellería de Medio Ambiente, Territorio e Infraestruturas

    Cruceiros de Galicia

    Concello de Valga

    La Voz de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Cruz do Verde

Cruceiro do Reguengo

Cruceiro de Baño

Cruceiro Nº 1 de Vilar