Peirao de Setefogas

Peirao de Setefogas - Rianxo - Santa Comba de Rianxo

Imaxe: roteirocastelao.gal

É o peirao máis antigo do concello, data de mediados do século XIX, aínda que a traza actual é de comezos do XX. Foi en 1903 cando se lle adxudicaron as obras da súa reparación e ampliación a Ramón Fernández García, de Cespón, pai do que será un grande amigo de Castelao, compañeiro na Facultade de Medicina e na tuna de Santiago: Ramón Fernández Mato. Foi el o encargado de presentar a Castelao e a Eduardo Dieste, en 1911, nunhas conferencias de arte celebradas en Santiago e Vigo.

En política foron por camiños distintos, mentres Castelao seguiu co compromiso galeguista até as últimas consecuencias, Fernández Mato non tiña as ideas tan claras. En principio era de Portela Valladares, e dirixiu o seu periódico El Pueblo Gallego en Vigo. Despois foi seguidor de Casares Quiroga, que o nomeou gobernador civil de Ciudad Real e Jaén; e tamén foi director xeral de Seguridade. Cando comezou a Guerra Civil do 36, foi perseguido por ambos os bandos. Tanto os franquistas coma os republicanos pedían a súa cabeza. Ao final, os dous excompañeiros víronse obrigados a escoller o camiño do exilio, como un mal menor. Mato regresou a Galicia nos anos sesenta, asentouse en Vilagarcía de Arousa e deixouse querer polo franquismo.

Sobra a orixe do nome, segundo @echeoqhai, hai dúas versións. Unha que aquí morreron sete afogados e outra que o peirao é por se te afogas. Canto a etimoloxía, é incerta, e máis se pensamos que Sarmiento o escribiu como Setefogás, que levou a pensar nun lugar formado por Sete Fogos/fogares.

  • INFORMACIÓN
  • Código: RI-OC044
  • Outras denominacións:
  • Tipoloxía: Obra civil
  • Cronoloxía: Século XIX
  • Concello: Rianxo
  • Parroquia: Santa Comba de Rianxo
  • Lugar: A Ribeira
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo

    Inventario Xeral do Patrimonio Cultural de Galicia

  • Referencias:

    Roteiro Castelao

    Arquivo Concello de Rianxo

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Arco da Menora

Porto de Rianxo

Porto de Abuín

Ponte de Rial