Petróglifo do Outeiro da Curuxa

Sobre un bolo granítico de considerables dimensións, emprázanse os dous conxuntos de motivos, un xusto a media altura, nun pequeno rebaixe que posúe o bolo e que permite o acceso á parte superior.

Os motivos repártense en dous pequenos paneis, un na parte superior (panel 1), xusto ao carón do corte que presenta a rocha (cantaría tradicional), que está composto por 10 coviñas, de pequeno e mediano tamaño, dispostas sen forma aparente. É probable que o panel fose máis amplo, mais as labores tradicionais de cantaría puideron truncar a continuidade do mesmo. O panel 2 está composto por varias coviñas e trazos que semellan ser círculos concéntricos incompletos.