Mámoa Nº 2 da Vacariza

Conxunto de seis túmulos que se atopan nun rechán de paso entre o Monte Ceán e o Monte do Couto. Este grupo de mámoas sitúase preto da saída cara a Catoira desde a Autovía do Barbanza, á man dereita.

Este túmulo mide 15,10 metros no eixo L-O e 13,20 metros no N-S. Conserva unha altura de 0,75 metros. Presenta un burato de violación central que mide 3,60 metros (N-S) e 3,50 metros (L-O) e ten unha profundidade de 0,40 metros. A parte máis baixa da superficie tumular ao N-NO está atravesado por un valado de pedra.