Capela de San Xosé

Capela de San Xosé - Dodro - San Xoán de Laíño

Imaxe: Sendeiros de Dodro | Concello de Dodro

Capela de planta rectangular que ten ao carón da súa parte posterior os anexos da casa reitoral de San Xoán de Laíño, integrando un pequeno patio. A súa fronte é de cantaría con porta de acceso principal de lintel recto, abertura circular por enriba e dous remates en forma de bola na fachada principal. Os muros son de cachotaría e a cuberta a dúas augas can acabado de tella camba sobre armazón de madeira. Esta vese coroada na súa fronte por unha estrutura de sección cuadrangular que aloxa unha campá e rematada de forma piramidal, que probablemente non sexa a orixinal.

Foi construída como alternativa á igrexa parroquial por ter esta moi difíciles accesos e con moi pouca asistencia de fieis. O párroco optou por dicir misa na capela todos os días a horas moi temperás para facilitar o traballo no campo. Co tempo, e a mellora dos accesos á parroquial, deixouse de usar diariamente. Pola súa situación no medio da aldea tamén se usaba para dar avisos coa súa campá.

  • INFORMACIÓN
  • Código: DO-AR006
  • Outras denominacións:
  • Tipoloxía: Arquitectura relixiosa
  • Cronoloxía: Século XIX
  • Concello: Dodro
  • Parroquia: San Xoán de Laíño
  • Lugar: Imo
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Dodro (AR-08)

    Inventario Xeral do Patrimonio Cultural de Galicia

  • Referencias:

    Sendeiros de Dodro

    Plan Xeral de Ordenación Municipal do Concello de Dodro, aprobado o 27 de decembro de 2010

    Patrimonio Galego

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Igrexa de Santa María de Dodro

Igrexa de San Xián de Laíño

Capela de San Xosé

Capela do Bo Parto e do Leite