Casa reitoral de San Pedro de Dimo

Casa reitoral de San Pedro de Dimo - Catoira - San Pedro de Dimo

Casa reitoral construída no ano 1797 localizada no núcleo de Tarrío que presenta unha planta en forma de L e dous andares levantados en cantaría de granito. Aparece rodeada por un muro de cachotaría que delimita unha finca de tamaño mediano que acolle no seu interior un hórreo de pedra de catro claros. Os seus muros acollen unha serie de vans de tamaño semellante que seguen un ritmo regular ao longo das súas fachadas. Balcón voado con forxa na fachada orientada ao oeste.

O elemento máis destacado da vivenda é a escalinata dun único tiro que serve de acceso a unha solaina modesta, antesala aberta do andar residencial, destacando tamén o barral illado que fai as veces de portalón de acceso á finca (o lintel posúe un epígrafe conmemorativo), e que contén as arquitecturas adxectivas da casa: forno, cortes, despensa…

  • INFORMACIÓN
  • Código: CA-AC018
  • Outras denominacións:
  • Tipoloxía: Arquitectura civil
  • Cronoloxía: 1797
  • Concello: Catoira
  • Parroquia: San Pedro de Dimo
  • Lugar: Tarrío
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Catoira (A_032) - Aprobación inicial de 2012

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Catoira - Aprobación inicial de 2012

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Casa reitoral de San Pedro de Dimo

Casa do Concello de Catoira

Balneario Laxinias

Escola da Baiuca