Hórreo do Rabado

Dous hórreos situados a ambos lados da estrada principal do lugar do Rabado, apoiados sobre o muro de peche das fincas, xunto ao cruce que leva a Buía. Estrutura principal de cantaría de granito, e entrepanos centrais de ladrillo perforado que substitúen aos orixinais. Penais de granito con ocos de ventilación e cornixa perimetral moldurada baixo a cuberta, a dúas augas de tella sobre estrutura de madeira. Sobrepenas de granito nos pinches, coroadas por cruces e lampións, e pináculos de menores dimensións nos extremos laterais. Tornarratos perimetral sobre os muros de apoio e ménsulas molduradas nun dos hórreos.