Muíño Nº 2 da Ermida

Muíño Nº 2 da Ermida - Rianxo - Santa Baia do Araño

Imaxe: Urbanismo Rianxo

Conxunto de dous muíños á beira do regato do Campo Treito, ao leste do lugar da Ermida. Construcións de plantas rectangulares resoltas con muros de cachotaría de granito e cubertas a unha auga. Accesos nun lateral mediante porta alintelada, e pequenas fiestras no resto das fachadas. Canle de cachotes de granito que baixa do monte e atravesa as dúas construcións, apoiada puntualmente sobre pilastras.

No río Té, houbo 55 muíños en funcionamento, no pasado século antes de vir a electricidade. A forma de propiedade máis común eran os muíños de herdeiros ou de parceiros. Estes pertencían a varios veciños, e moíase por quendas. Os muíños de maquía, pertencían a un so propietario. Normalmente eran grandes e servían tamén como vivenda do muiñeiro e da súa familia. O muiñeiro cobraba unha parte da fariña, a maquía, que era proporcional á cantidade moída.

Arredor dos muíños desenvolveuse un rico folclore e cultura popular: ditos, refráns, contos e cantigas.... que teñen como protagonistas as xornadas que se pasaban no muíño, xa que eran lugares de conversa e socialización mentres se agardaba a que rematase de moer. Incluso o baile máis típico de Galicia, a muiñeira, ten a súa orixe nos tempos de espera no muíño.

Eu caseime no Araño,

pensando que había pan.

O forno de miña sogra,

cría silvas no verán.

---

Fun ao muíño con Paula,

fun ao muíño con ela.

Ela durmiu nos meus brazos

eu durmín nos brazos dela.

---

O muíño de meu pai,

non é muíño, é convento.

Os casados para fóra,

os solteiros para dentro

  • INFORMACIÓN
  • Código: RI-AA036
  • Outras denominacións:
  • Tipoloxía: Arquitectura da auga
  • Cronoloxía: -
  • Concello: Rianxo
  • Parroquia: Santa Baia do Araño
  • Lugar: A Ermida
  • Acceso a pé: Bo
  • Galería de imaxes: Acceder
  • Conservación:

    Cuberta actualmente derrubada.

  • Protección:

    Plan Xeral de Ordenación Municipal do Concello de Rianxo (M-006)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Roteiro Ambiental polo río Té (paneis informativos)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Fonte e lavadoiro de Barral

Muíño de Sestelo

Lavadoiro do Laxido

Muíño de Calvo