Petróglifo Nº 8 dos Campos

Petróglifo Nº 8 dos Campos - Rianxo - Santa María de Leiro

Grupo de gravados que se espallan por unha extensa zona das parroquias de Santa María de Leiro e Santa Comba de Rianxo, entre A Pedreira e A Devesa de Rianxiño, estendéndose cara ao noroeste até o curuto do Alto do Corniño. Os gravados máis salientables son:

- Un grupo de gravados non prehistóricos, probablemente feitos polos canteiros que traballaban aquela zona, e nos que se pode ler, entre outras marcas, o topónimo "Rianjo", o que fai pensar que poida ser unha marca da delimitación da parroquia.

- Escena de loita entre dous cabalos (ou cervos en período de caída da cornamenta).

- Unha posible escena de caza na que varios animais parecen fuxir en manda na mesma dirección, mentres outro queda atrás ferido e outros parecen mortos sobre o camiño.

- Outro enorme cervo de características moi similares aos grandes anteriores.

- Posible femia preñada.

- Cervo macho en actitude de bradar.

- Animal con aspecto de felino.

- Na rocha máis setentrional deste conxunto, unha colección de cuadrúpedes, outro felino e outro antropomorfo moi similar ao do Petróglifo Nº 1 do Mouchos.

Este conxunto está formado por dúas laxes con gravados, aínda que a segunda presenta motivos non prehistóricos.

- Laxe 1: atópase gravemente alterada debido á acción do lume e á extracción de pedra. Mide 13,10 metros (L-O) e 5,10 metros (N-S), e na actualidade só se aprecian gravados na parte suroeste da laxe, e están illados por unha diáclase. Os motivos consisten en catro cérvidos esquemáticos paralelos e opostos. Na esquina SO apréciase un cérvido do tipo 1 de Peña Santos (1979, 39) do que resulta difícil distinguir a cabeza e os cuartos traseiros. A 5 metros, no mesmo afloramento, vese unha dobre cruz.

- Laxe 2: os gravados son marcas de toponimia recentes. Podería tratarse de demarcacións de termos parroquiais.

  • INFORMACIÓN
  • Código: RI-AQ024
  • Outras denominacións:
  • Tipoloxía: Arqueoloxía
  • Cronoloxía: Idade do Bronce
  • Concello: Rianxo
  • Parroquia: Santa María de Leiro
  • Lugar: Pedreira
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (GA15072030)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Petróglifo Nº 1 de Brión

Petróglifo Nº 1 de Rianxiño

Petróglifo Nº 1 dos Mouchos

Castro do Pelotiña