Petróglifo Nº 4 dos Campos

Petróglifo Nº 4 dos Campos - Rianxo - Santa Comba de Rianxo

Grupo de gravados que se espallan por unha extensa zona das parroquias de Santa María de Leiro e Santa Comba de Rianxo, entre A Pedreira e A Devesa de Rianxiño, estendéndose cara ao noroeste até o curuto do Alto do Corniño. Os gravados máis salientables son:

- Un grupo de gravados non prehistóricos, probablemente feitos polos canteiros que traballaban aquela zona, e nos que se pode ler, entre outras marcas, o topónimo "Rianjo", o que fai pensar que poida ser unha marca da delimitación da parroquia.

- Escena de loita entre dous cabalos (ou cervos en período de caída da cornamenta).

- Unha posible escena de caza na que varios animais parecen fuxir en manda na mesma dirección, mentres outro queda atrás ferido e outros parecen mortos sobre o camiño.

- Outro enorme cervo de características moi similares aos grandes anteriores.

- Posible femia preñada.

- Cervo macho en actitude de bradar.

- Animal con aspecto de felino.

- Na rocha máis setentrional deste conxunto, unha colección de cuadrúpedes, outro felino e outro antropomorfo moi similar ao do Petróglifo Nº 1 do Mouchos.

Este conxunto está formado por seis laxes con gravados, aínda que dúas están cubertas de vexetación.

- Laxe 1: mide 3,10 metros (N-S) e 1,50 metros (L-O). O motivo consiste nun cérvido de 0,70 metros. Ao pé desta laxe, noutra máis pequena que mide 2,25 metros (N-S) e 2,50 metros (L-O), vense dous cuadrúpedes. 4 metros ao leste desta rocha atópase outra que mide 3,30 metros (NL-SO) e 0,85 metros (NO-SL) na que se aprecian tres zoomorfos alongados e trazos identificables.

- Laxe 2: mide 1,30 metros (N-S) e 1,10 metros (L-O), e nela vese un pequeno zoomorfo.

- Laxe 3: mide 0,85 metros (N-S) e 0,60 metros (L-O) e ten un círculo (20 centímetros de diámetro) e coviñas.

- Laxe 4: mide 1,90 metros (N-S) e 1,50 metros (L-O) e o motivo consiste nun cuadrúpede duns 25 centímetros.

  • INFORMACIÓN
  • Código: RI-AQ020
  • Outras denominacións:
  • Tipoloxía: Arqueoloxía
  • Cronoloxía: Idade do Bronce
  • Concello: Rianxo
  • Parroquia: Santa Comba de Rianxo
  • Lugar: Fincheira
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (GA15072025)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Petróglifo Nº 14 dos Campos

Petróglifo Nº 8 dos Campos

Petróglifo do Monte Cabanas

Mámoa da Espiñeira