Pesqueiras da Muxena e do Furado
Imaxe: Pablen Compostela Teo
As pesqueiras ou lampreeiras remóntanse á época romana e aínda hoxe se conservan esas antigas artes de pesca. Explotounas o Cabido de Iria até o século XX. Na actualidade pertencen aos veciños do lugar. A concesión para pescar lampreas nas pesqueiras do Ulla ten a súa orixe nun documento datada do século IX que na actualidade está en poder da familia Lago de Herbón, quen no seu día foi interpretado por un frade do Convento dos Franciscanos.
Están formadas por grandes bloques, máis ou menos cuadrangulares, de pedras de moi variados tamaños. As que mellor se conservan cruzan practicamente todo o río, soportando extremas correntes de auga. As súas dimensións varían, mais a media é de 3 metros de alto por 2 de lado e outros 2 de ancho. Están aliñadas en perpendicular ou oblicuas á corrente, cruzando case todo o río, agás unha gran corrente central que se chama “vena” e que queda libre de trampas. Aos ocos que hai entre os bloques, chámanselle “boquetes” ou “pasillos”, e é o lugar onde se arman os aparellos de pesca.
As pesqueiras de Carcacía teñen as subdenominacións Carcacía-Lapido na beira norte e Carcacía na sur. As Pesqueiras da Muxena teñen 3 “pescos” e 2 “pasillos” en Carcacía-Lapido, e as Pesqueiras do Furado 2 “pescos” e 1 “pasillo” en Carcacía.
- INFORMACIÓN
- Código: PA-AA016
- Outras denominacións:
- Tipoloxía: Arquitectura da auga
- Cronoloxía: Século IX
- Concello: Padrón
- Parroquia: San Pedro de Carcacía
- Lugar: Carcacía
- Acceso a pé: Bo
- Galería de imaxes: Acceder
- Conservación:
As pesqueiras do río Ulla atópanse nun abandono total por parte das diferentes administracións públicas, esquecéndose estas do valor patrimonial único que representan.
- Protección:
Non
- Referencias:
Lampreas e Pesqueiras. Historia, artes de pesca e receitario. 2008. Editorial Galaxia
- XEOLOCALIZACIÓN
- Coordenadas: 42.742423283425 , -8.6218677669623
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.
