Hórreo de Vigo

Hórreo de Vigo - Dodro - Santa María de Dodro

Imaxe: Beatriz Pereiras

Atopase na finca contigua a outro hórreo de Vigo, ao nordeste deste, a escasos metros. No propio núcleo, na parte traseira da casa á que pertence, correspondente ao nº 18.

Cimentado sobre unha repisa baixa de cachotaría de granito duns 30/40 centímetros de altura. Os soportes son tres cepas de pedra. O gabinete máis setentrional está pechado con madeira, ladrillo e malla metálica, cunha porta no lateral oeste; úsase como galiñeiro. O tornarratos é unha peza corrida ao longo de todo o corpo do hórreo. Ten dous claros, con balaústres de madeira e dúas cintas, cunha porta de madeira no lateral oeste. Linteis e columnas de pedra e cornixa de madeira. Penal da fronte de pedra, non conservando a porta de madeira (actualmente pechado con malla metálica). Penal traseiro de pedra e madeira, con dúas cintas. Os pinches son de madeira. Cubrición de tella do país. Non conserva os remates. Orientado ao NE.

No 2010, o propietario non puido concretar a cronoloxía do hórreo, pero sempre lle acorda aí, debe ter máis de cen anos.

  • INFORMACIÓN
  • Código: DO-HO060
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: Santa María de Dodro
  • Lugar: Vigo
  • Acceso a pé: Bo
  • Galería de imaxes: Acceder
  • Conservación:

    Regular, a madeira e a cubrición están en mal estado.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 69)

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Rial da Lagoa

Hórreo de Castro

Hórreo de Dodriño

Hórreo de Castro