Reloxo de sol da Igrexa de San Pedro de Dimo

Reloxo de sol da Igrexa de San Pedro de Dimo - Catoira - San Pedro de Dimo

Imaxe: Cristina Conde Escaloni

No lado leste da Igrexa de San Pedro de Dimo localízase este reloxo de sol. A súa data de construción descoñécese, xa que as letras do cuadrante son ilexibles, mais podería datar do  século XVI, xa que os muros e os contrafortes que conserva a igrexa pertencen a esta data. O reloxo é de granito, plano e pertence á categoría ortomeridiano, que é o máis frecuente en Galicia.

Trátase dun reloxo vertical co gnomon orientado ao sur, formando un ángulo coa faz, dacordo coa latitude. A liña das 12 horas (non ten que marcar exactamente as 12 do mediodía) cae xustamente en vertical, e as horas da mañá e da tarde repártense simetricamente á esquerda e dereita respectivamente, formando os ángulos correspondentes. As medidas do rectángulo son aproximadamente: 70 centímetros de alto e 55 de ancho.

Na parte superior do cuadrante hai unha elaboración triangular (30 centímetros de alto aproximadamente) cunha estrela de 6 puntas na parte alta, unha cruz cristiá debaixo, e aos lados, motivos eclípticos.

O gnomon é de estilo vertical xa que na mesma hora, segundo a estación do ano, a sombra proxecta inclinacións diferentes. Importante ter en conta o desfase entre a hora solar e a hora legal; polo que haberá que sumar, unha hora en inverno e dúas no verán, para obter a hora oficial.

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Reloxo de sol do Pazo da Baiuca

Fito quilométrico da estrada Pontecesures-Carril

Muíño de vento de Viladesuso

Pombal Nº 1 das Rañas